ಏಪ್ರಿಲ್ 1 ರ ಹೊಸ ನಿಯಮಗಳು 2026 ಏಪ್ರಿಲ್ 1 ರಿಂದ ನಿಮ್ಮ ಜೇಬಿಗೆ ಕತ್ತರಿ? ಅಡುಗೆ ಅನಿಲದಿಂದ ಎಟಿಎಂ ಶುಲ್ಕದವರೆಗೆ ಬದಲಾಗಲಿವೆ ಈ 15 ಪ್ರಮುಖ ನಿಯಮಗಳು!

ಭಾರತದಲ್ಲಿ ಪ್ರತಿ ವರ್ಷ ಏಪ್ರಿಲ್ 1 ಎಂದರೆ ಅದು ಕೇವಲ ಒಂದು ದಿನಾಂಕವಲ್ಲ, ಅದು ಇಡೀ ದೇಶದ ಆರ್ಥಿಕ ಚಕ್ರದ ಮರು ಆರಂಭ. 2026ರ ಈ ಏಪ್ರಿಲ್ 1 ಭಾರತೀಯ ಇತಿಹಾಸದಲ್ಲೇ ಅತ್ಯಂತ ಮಹತ್ವದ ದಿನವಾಗಿದೆ. ಯಾಕೆಂದರೆ, ಬರೋಬ್ಬರಿ ಆರು ದಶಕಗಳ ಕಾಲ ಜಾರಿಯಲ್ಲಿದ್ದ 1961ರ ಆದಾಯ ತೆರಿಗೆ ಕಾಯ್ದೆಯನ್ನು ರದ್ದುಗೊಳಿಸಿ, ಅತ್ಯಂತ ಆಧುನಿಕ ಮತ್ತು ಸರಳೀಕೃತ “ಆದಾಯ ತೆರಿಗೆ ಕಾಯ್ದೆ 2025” (Income Tax Act, 2025) ಅನ್ನು ಕೇಂದ್ರ ಸರ್ಕಾರವು ಇಂದಿನಿಂದ (ಏಪ್ರಿಲ್ 1) ಅಧಿಕೃತವಾಗಿ ಜಾರಿಗೆ ತರುತ್ತಿದೆ.

ಆರ್‌ಬಿಐ, ಐಆರ್‌ಸಿಟಿಸಿ ಮತ್ತು ಹಣಕಾಸು ಸಚಿವಾಲಯದ ಅಧಿಕೃತ ಸುತ್ತೋಲೆಗಳ ಆಧಾರದ ಮೇಲೆ ಸಿದ್ಧಪಡಿಸಲಾದ ಈ ಲೇಖನವು ಏಪ್ರಿಲ್ 1 ರ ಹೊಸ ನಿಯಮಗಳು 2026 ರ ಅಡಿಯಲ್ಲಿ ನಿಮ್ಮ ದೈನಂದಿನ ಜೀವನದ ಮೇಲೆ ಹೇಗೆ ಪರಿಣಾಮ ಬೀರಲಿದೆ ಎಂಬುದನ್ನು ಎಳೆ ಎಳೆಯಾಗಿ ವಿವರಿಸುತ್ತದೆ.

ಆದಾಯ ತೆರಿಗೆ ಕಾಯ್ದೆ 2025ರ ಕ್ರಾಂತಿಕಾರಿ ಜಾರಿ

ಏಪ್ರಿಲ್ 1 ರ ಹೊಸ ನಿಯಮಗಳು 2026 : ಕೇಂದ್ರ ಸರ್ಕಾರವು 1961ರ ಹಳೆಯ ಕಾಯ್ದೆಯನ್ನು ಇತಿಹಾಸಕ್ಕೆ ಸೇರಿಸಿ, ಹೊಸ ತೆರಿಗೆ ನಿಯಮಗಳನ್ನು ಜಾರಿಗೆ ತಂದಿದೆ.

• ಸಿಂಗಲ್ ‘ಟ್ಯಾಕ್ಸ್ ಇಯರ್’ (Tax Year): ಇನ್ನು ಮುಂದೆ ‘ಅಸೆಸ್‌ಮೆಂಟ್ ಇಯರ್’ (AY) ಮತ್ತು ‘ಫೈನಾನ್ಶಿಯಲ್ ಇಯರ್’ (FY) ಎಂಬ ಗೊಂದಲ ಇರುವುದಿಲ್ಲ. ಬದಲಿಗೆ ಕೇವಲ ‘ಟ್ಯಾಕ್ಸ್ ಇಯರ್’ ಎಂಬ ಒಂದೇ ಪದ ಬಳಕೆಯಾಗಲಿದೆ.
• ತೆರಿಗೆ ವಿನಾಯಿತಿ ಮಿತಿ: ಹೊಸ ತೆರಿಗೆ ಪದ್ಧತಿಯಡಿ ರೂ. 12 ಲಕ್ಷ ದವರೆಗೆ ಆದಾಯ ಹೊಂದಿರುವವರಿಗೆ ಯಾವುದೇ ತೆರಿಗೆ ಇರುವುದಿಲ್ಲ (ಸೆಕ್ಷನ್ 87A ಅಡಿಯಲ್ಲಿ ರೂ. 60,000 ವರೆಗೆ ರೀಬೇಟ್ ಲಭ್ಯ).

• ಸ್ಟ್ಯಾಂಡರ್ಡ್ ಡಿಡಕ್ಷನ್: ಸಂಬಳ ಪಡೆಯುವ ನೌಕರರಿಗೆ ಈ ಮೊತ್ತವನ್ನು ರೂ. 50,000 ರಿಂದ ರೂ. 75,000 ಕ್ಕೆ ಏರಿಸಲಾಗಿದೆ.

Note :

• Financial Year (FY): ನಾವು ಹಣ ಗಳಿಸುವ ವರ್ಷ (ಉದಾಹರಣೆಗೆ: ಏಪ್ರಿಲ್ 2024 ರಿಂದ ಮಾರ್ಚ್ 2025).
• Assessment Year (AY): ಗಳಿಸಿದ ಹಣಕ್ಕೆ ತೆರಿಗೆ ಲೆಕ್ಕ ಹಾಕುವ ಮತ್ತು ರಿಟರ್ನ್ ಸಲ್ಲಿಸುವ ಮುಂದಿನ ವರ್ಷ.

ಈಗಿನ ಬದಲಾವಣೆ (2026 ರಿಂದ): ಈ ಗೊಂದಲವನ್ನು ಹೋಗಲಾಡಿಸಲು ಸರ್ಕಾರವು “Income Tax Act, 2025” ಅಡಿಯಲ್ಲಿ ಇವೆರಡನ್ನೂ ಸೇರಿಸಿ ಕೇವಲ ‘ಟ್ಯಾಕ್ಸ್ ಇಯರ್’ (Tax Year) ಎಂಬ ಒಂದೇ ಹೆಸರನ್ನು ನೀಡಿದೆ. ಇನ್ನು ಮುಂದೆ ನೀವು ಯಾವ ವರ್ಷ ಹಣ ಗಳಿಸುತ್ತೀರೋ, ಆ ವರ್ಷವನ್ನೇ ತೆರಿಗೆಯ ವರ್ಷವೆಂದು ಕರೆಯಲಾಗುತ್ತದೆ. ಸಾಮಾನ್ಯ ಜನರಿಗೆ ಇದು ಅರ್ಥ ಮಾಡಿಕೊಳ್ಳಲು ಮತ್ತು ಫಾರ್ಮ್‌ಗಳನ್ನು ತುಂಬಲು ಬಹಳ ಸುಲಭವಾಗಲಿದೆ.

ಸ್ಟ್ಯಾಂಡರ್ಡ್ ಡಿಡಕ್ಷನ್ (Standard Deduction) ಎಂದರೇನು?

ಇದು ಸಂಬಳ ಪಡೆಯುವ ಪ್ರತಿಯೊಬ್ಬರಿಗೂ ಸಿಗುವ ಒಂದು “ಉಚಿತ ರಿಯಾಯಿತಿ”.

• ಹಿಂದೆ: ನಿಮ್ಮ ಒಟ್ಟು ಸಂಬಳದಲ್ಲಿ ರೂ. 50,000 ಮೊತ್ತವನ್ನು ಸರ್ಕಾರ ಲೆಕ್ಕಕ್ಕೇ ತೆಗೆದುಕೊಳ್ಳುತ್ತಿರಲಿಲ್ಲ. ಅದಕ್ಕೆ ಯಾವುದೇ ಟ್ಯಾಕ್ಸ್ ಇರುತ್ತಿರಲಿಲ್ಲ.
• ಈಗಿನ ಹೊಸ ನಿಯಮ: ಈ ಮಿತಿಯನ್ನು ರೂ. 75,000 ಕ್ಕೆ ಏರಿಸಲಾಗಿದೆ.

ಉದಾಹರಣೆ: ನಿಮ್ಮ ವಾರ್ಷಿಕ ಸಂಬಳ ರೂ. 8,00,000 ಎಂದಿಟ್ಟುಕೊಳ್ಳಿ. ಈಗ ಸರ್ಕಾರ ನೇರವಾಗಿ ಅದರಲ್ಲಿ ರೂ. 75,000 ವನ್ನು ಕಳೆಯುತ್ತದೆ. ಈಗ ನಿಮ್ಮ ತೆರಿಗೆಗೆ ಒಳಪಡುವ ಆದಾಯ ರೂ. 7,25,000 ಮಾತ್ರ. ಅಂದರೆ ರೂ. 75,000 ದಷ್ಟು ಮೊತ್ತಕ್ಕೆ ನೀವು ಯಾವುದೇ ಹೂಡಿಕೆ ಮಾಡದೆಯೇ ತೆರಿಗೆ ವಿನಾಯಿತಿ ಪಡೆದಂತೆ!

ಏಪ್ರಿಲ್ 1 ರ ಹೊಸ ನಿಯಮಗಳು 2026 ರ ಎಟಿಎಂ (ATM) ವಹಿವಾಟು ಶುಲ್ಕ ಏರಿಕೆ 

ಏಪ್ರಿಲ್ 1 ರ ಹೊಸ ನಿಯಮಗಳು 2026 : ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾ (RBI) ಮಾರ್ಗಸೂಚಿಯಂತೆ ಬ್ಯಾಂಕ್‌ಗಳು ತಮ್ಮ ಸೇವಾ ಶುಲ್ಕವನ್ನು ಪರಿಷ್ಕರಿಸಿವೆ.

• ಹೊಸ ಶುಲ್ಕ: ಉಚಿತ ಮಿತಿ ಮೀರಿದ ನಂತರ ಪ್ರತಿ ನಗದು ವಹಿವಾಟಿಗೆ ನೀವು ಈಗ ರೂ. 23 + GST ಪಾವತಿಸಬೇಕು. ಈ ಮೊತ್ತವು ಈ ಹಿಂದೆ ರೂ. 21 ಆಗಿತ್ತು.
• UPI ATM: ಎಟಿಎಂನಲ್ಲಿ ಕ್ಯೂಆರ್ ಕೋಡ್ ಸ್ಕ್ಯಾನ್ ಮಾಡಿ ಹಣ ಪಡೆಯುವ ಸೌಲಭ್ಯಕ್ಕೂ ಇದೇ ಮಿತಿ ಅನ್ವಯವಾಗುತ್ತದೆ.

ಎಟಿಎಂ ಉಚಿತ ವಹಿವಾಟಿನ ಮಿತಿ ಎಷ್ಟು? (ATM Free Limit Details)

ಬಳಕೆದಾರರು ಪ್ರತಿ ತಿಂಗಳು ಪಡೆಯುವ ಉಚಿತ ವಹಿವಾಟುಗಳ ಸಂಖ್ಯೆ ನೀವು ಯಾವ ನಗರದಲ್ಲಿದ್ದೀರಿ ಮತ್ತು ಯಾವ ಬ್ಯಾಂಕ್ ಎಟಿಎಂ ಬಳಸುತ್ತಿದ್ದೀರಿ ಎಂಬುದರ ಮೇಲೆ ಅವಲಂಬಿತವಾಗಿದೆ

1. ನಿಮ್ಮದೇ ಬ್ಯಾಂಕ್ ಎಟಿಎಂನಲ್ಲಿ (Own Bank ATM):

• ನೀವು ಯಾವ ಬ್ಯಾಂಕ್‌ನಲ್ಲಿ ಖಾತೆ ಹೊಂದಿದ್ದೀರೋ ಅದೇ ಬ್ಯಾಂಕ್ ಎಟಿಎಂ ಬಳಸಿದರೆ, ತಿಂಗಳಿಗೆ 5 ಬಾರಿ ಉಚಿತ ವಹಿವಾಟು ನಡೆಸಬಹುದು. ಇದು ಹಣ ವಿತ್‌ಡ್ರಾ ಮತ್ತು ಹಣವಲ್ಲದ ವಹಿವಾಟು (Balance Enquiry, Mini Statement) ಎರಡಕ್ಕೂ ಅನ್ವಯಿಸುತ್ತದೆ.

2. ಇತರ ಬ್ಯಾಂಕ್ ಎಟಿಎಂನಲ್ಲಿ (Other Bank ATM):

• ಮೆಟ್ರೋ ನಗರಗಳಲ್ಲಿ (Metro Cities): ನೀವು ಬೆಂಗಳೂರು, ಮುಂಬೈ, ದೆಹಲಿ, ಚೆನ್ನೈ, ಕೋಲ್ಕತ್ತಾ ಅಥವಾ ಹೈದರಾಬಾದ್‌ನಲ್ಲಿ ವಾಸಿಸುತ್ತಿದ್ದರೆ, ಇತರ ಬ್ಯಾಂಕ್ ಎಟಿಎಂಗಳಲ್ಲಿ ತಿಂಗಳಿಗೆ ಕೇವಲ 3 ಬಾರಿ ಮಾತ್ರ ಉಚಿತ ವಹಿವಾಟು ನಡೆಸಲು ಅವಕಾಶವಿದೆ.

• ಮೆಟ್ರೋ ಅಲ್ಲದ ನಗರಗಳಲ್ಲಿ (Non-Metro): ದಾವಣಗೆರೆ ಅಥವಾ ಇತರ ನಗರಗಳಲ್ಲಿ ವಾಸಿಸುತ್ತಿದ್ದರೆ, ಇತರ ಬ್ಯಾಂಕ್ ಎಟಿಎಂಗಳಲ್ಲಿ ತಿಂಗಳಿಗೆ 5 ಬಾರಿ ಉಚಿತ ವಹಿವಾಟು ನಡೆಸಬಹುದು.

ಈ “ಶುಲ್ಕ” ಯಾವಾಗ ಕಟ್ ಆಗುತ್ತದೆ?

ಮೇಲೆ ಹೇಳಿದ ಉಚಿತ ಮಿತಿ (ಉದಾಹರಣೆಗೆ 5 ಬಾರಿ) ಮುಗಿದ ನಂತರ ನೀವು ಮಾಡುವ 6ನೇ ವಹಿವಾಟಿನಿಂದ ಪ್ರತಿ ಬಾರಿ ರೂ. 23 + GST ಹಣ ನಿಮ್ಮ ಖಾತೆಯಿಂದ ಕಡಿತವಾಗುತ್ತದೆ.

ನೆನಪಿಡಿ: ನೀವು ಕೇವಲ ಬ್ಯಾಲೆನ್ಸ್ ಚೆಕ್ ಮಾಡಿದರೂ ಅಥವಾ ಮಿನಿ ಸ್ಟೇಟ್ಮೆಂಟ್ ತೆಗೆದರೂ ಸಹ ಅದು ಒಂದು ‘ವಹಿವಾಟು’ ಎಂದೇ ಪರಿಗಣಿಸಲ್ಪಡುತ್ತದೆ. ಆದ್ದರಿಂದ ಮಿತಿ ಮೀರಿದ ನಂತರ ಬ್ಯಾಲೆನ್ಸ್ ಚೆಕ್ ಮಾಡಲು ಮೊಬೈಲ್ ಬ್ಯಾಂಕಿಂಗ್ ಅಥವಾ ಯುಪಿಐ ಆಪ್ ಬಳಸುವುದು ಜಾಣತನ.

ರೈಲ್ವೆ ಟಿಕೆಟ್ ರದ್ದತಿ ಮತ್ತು ರೀಫಂಡ್ ಹೊಸ ನಿಯಮ

ರೈಲ್ವೆ ಟಿಕೆಟ್ ರೀಫಂಡ್ ಹೊಸ ನಿಯಮ 2026: ಸಮಯದ ಲೆಕ್ಕಾಚಾರ ಹೀಗಿದೆ

1. ಶೂನ್ಯ ಮರುಪಾವತಿ (No Refund): ರೈಲು ಹೊರಡಲು ಕೇವಲ 0 ರಿಂದ 8 ಗಂಟೆಗಳ ಕಾಲಾವಕಾಶ ಮಾತ್ರ ಬಾಕಿ ಇದ್ದಾಗ ನೀವು ಟಿಕೆಟ್ ರದ್ದು ಮಾಡಿದರೆ, ನಿಮಗೆ ಒಂದು ರೂಪಾಯಿಯೂ ವಾಪಸ್ ಸಿಗುವುದಿಲ್ಲ. (ಹಿಂದೆ ಈ ಮಿತಿ 4 ಗಂಟೆ ಇತ್ತು, ಈಗ ಅದನ್ನು 8 ಗಂಟೆಗೆ ಏರಿಸಲಾಗಿದೆ).
2. 50% ಕಡಿತ (50% Refund): ರೈಲು ಹೊರಡಲು 8 ಗಂಟೆಯಿಂದ 24 ಗಂಟೆಗಳ ನಡುವೆ ಸಮಯ ಬಾಕಿ ಇದ್ದಾಗ ರದ್ದು ಮಾಡಿದರೆ, ಟಿಕೆಟ್ ದರದ 50% ಹಣ ಕಡಿತವಾಗಿ ಉಳಿದ 50% ಮಾತ್ರ ನಿಮಗೆ ಸಿಗುತ್ತದೆ.
3. 25% ಕಡಿತ (75% Refund): ರೈಲು ಹೊರಡಲು ಇನ್ನೂ 24 ಗಂಟೆಯಿಂದ 72 ಗಂಟೆಗಳವರೆಗೆ ಸಮಯ ಬಾಕಿ ಇದ್ದಾಗ ರದ್ದು ಮಾಡಿದರೆ, 25% ಹಣ ಕಡಿತವಾಗಿ ಉಳಿದ 75% ಹಣ ನಿಮಗೆ ವಾಪಸ್ ಸಿಗುತ್ತದೆ.

4. ಕನಿಷ್ಠ ಶುಲ್ಕ ಕಡಿತ : ರೈಲು ಹೊರಡಲು 72 ಗಂಟೆಗಳಿಗಿಂತ ಹೆಚ್ಚು ಕಾಲಾವಕಾಶ (ಅಂದರೆ 3 ದಿನಗಳಿಗಿಂತ ಮೊದಲು) ಇದ್ದಾಗ ರದ್ದು ಮಾಡಿದರೆ, ಕೇವಲ ಕನಿಷ್ಠ ಕ್ಲೆರಿಕಲ್ ಶುಲ್ಕ (Clerkage Charge) ಕಡಿತವಾಗಿ ಉಳಿದ ಪೂರ್ಣ ಹಣ ಸಿಗುತ್ತದೆ.

ಉದಾಹರಣೆಯೊಂದಿಗೆ ವಿವರಣೆ 

ನಿಮ್ಮ ರೈಲು ನಾಳೆ ಬೆಳಿಗ್ಗೆ 10:00 ಗಂಟೆಗೆ ಹೊರಡಲಿದೆ ಎಂದಿಟ್ಟುಕೊಳ್ಳಿ

• ಇಂದು ರಾತ್ರಿ 2:00 ಗಂಟೆಯ ನಂತರ (ಅಂದರೆ 8 ಗಂಟೆಗಿಂತ ಕಡಿಮೆ ಸಮಯವಿದ್ದಾಗ) ಕ್ಯಾನ್ಸಲ್ ಮಾಡಿದರೆ: ರೂ. 0 ರಿಫಂಡ್.

• ನಿನ್ನೆ ಬೆಳಿಗ್ಗೆ 10:00 ರಿಂದ ಇಂದು ರಾತ್ರಿ 2:00 ಗಂಟೆಯ ಒಳಗೆ (8-24 ಗಂಟೆಗಳ ನಡುವೆ) ಕ್ಯಾನ್ಸಲ್ ಮಾಡಿದರೆ: 50% ರಿಫಂಡ್.

ಹೌಸ್ ರೆಂಟ್ ಅಲೋವೆನ್ಸ್ (HRA) ಕಠಿಣ ನಿಯಮ

ಹೊಸ ತೆರಿಗೆ ಕಾಯ್ದೆಯಡಿ ಎಚ್‌ಆರ್‌ಎ ಕ್ಲೈಮ್ ಮಾಡುವುದು ಇನ್ನು ಮುಂದೆ ಅಷ್ಟು ಸುಲಭವಲ್ಲ.

60 ದಿನಗಳ ಡಿಜಿಟಲ್ ನೋಂದಣಿ ನಿಯಮ (Mandatory 60-Day Rule)

• ನಿಖರ ನಿಯಮ: ಬಾಡಿಗೆ ಒಪ್ಪಂದಕ್ಕೆ ಸಹಿ ಮಾಡಿದ 60 ದಿನಗಳ ಒಳಗಾಗಿ ಅದನ್ನು ಆಯಾ ರಾಜ್ಯದ ‘ರೆಂಟ್ ಅಥಾರಿಟಿ‘ (Rent Authority) ಪೋರ್ಟಲ್‌ನಲ್ಲಿ ನೋಂದಾಯಿಸುವುದು ಈಗ ಕಡ್ಡಾಯ.
• ಡಿಜಿಟಲ್ ಸ್ಟ್ಯಾಂಪ್: ಇನ್ನು ಮುಂದೆ ಹಳೆಯ ಫಿಸಿಕಲ್ ಬಾಂಡ್ ಪೇಪರ್ ಬದಲಿಗೆ ಇ-ಸ್ಟ್ಯಾಂಪಿಂಗ್ (e-Stamping) ಮೂಲಕವೇ ಶುಲ್ಕ ಪಾವತಿಸಬೇಕು. ಈ ಒಪ್ಪಂದಕ್ಕೆ ಆಧಾರ್ ಮೂಲಕ ಇ-ಸೈನ್ (e-Sign) ಮಾಡುವುದು ಈಗ ಕಾನೂನುಬದ್ಧವಾಗಿದೆ.

• ಪರಿಣಾಮ: 60 ದಿನ ಮೀರಿ ನೋಂದಣಿ ಮಾಡದಿದ್ದರೆ ಆ ಒಪ್ಪಂದಕ್ಕೆ ಕಾನೂನು ಮಾನ್ಯತೆ ಇರುವುದಿಲ್ಲ. ಅಲ್ಲದೆ, ಕೆಲವು ರಾಜ್ಯಗಳಲ್ಲಿ ರೂ. 5,000 ವರೆಗೆ ದಂಡ ವಿಧಿಸುವ ಅವಕಾಶವಿದೆ.

ನ್ಯಾಷನಲ್ ಇ-ರೆಂಟಲ್ ಪೋರ್ಟಲ್ : ಇದು “ದೊಡ್ಡ” ಬಾಡಿಗೆದಾರರಿಗೆ ಮಾತ್ರ

ಈ ಪೋರ್ಟಲ್‌ನಲ್ಲಿ ಪ್ರತ್ಯೇಕವಾಗಿ ನೋಂದಾಯಿಸಿಕೊಳ್ಳುವುದು ಎಲ್ಲರಿಗೂ ಕಡ್ಡಾಯವಲ್ಲ. ಇದು ಕೇವಲ ಈ ಕೆಳಗಿನವರಿಗೆ ಮಾತ್ರ ಅನ್ವಯ:

• ತಿಂಗಳಿಗೆ ರೂ. 50,000 ಕ್ಕಿಂತ ಹೆಚ್ಚು ಬಾಡಿಗೆ ಪಾವತಿಸುವವರು.
• ಅಥವಾ ವರ್ಷಕ್ಕೆ ರೂ. 6 ಲಕ್ಷಕ್ಕಿಂತ ಹೆಚ್ಚು ಬಾಡಿಗೆ ನೀಡುವವರು.

• ಸಾಮಾನ್ಯ ಜನರಿಗೆ: ನೀವು ರೂ. 10,000 ಅಥವಾ ರೂ. 20,000 ಬಾಡಿಗೆ ನೀಡುತ್ತಿದ್ದರೆ, ನೀವು ಈ ಪೋರ್ಟಲ್‌ನಲ್ಲಿ ನೋಂದಾಯಿಸಿಕೊಳ್ಳುವ ಅವಶ್ಯಕತೆಯಿಲ್ಲ. ಆದರೆ ಮೇಲೆ ಹೇಳಿದ 60 ದಿನಗಳ ಒಳಗಿನ ‘ಸ್ಥಳೀಯ ರೆಂಟ್ ಅಥಾರಿಟಿ’ ನೋಂದಣಿ ಮಾತ್ರ ಮಾಡಿಸಿಕೊಳ್ಳಬೇಕು.

2. ನ್ಯಾಷನಲ್ ಇ-ರೆಂಟಲ್ ಪೋರ್ಟಲ್ (National e-Rental Portal)

• ಡಿಜಿಟಲ್ ರಶೀದಿ: ಈ ಪೋರ್ಟಲ್‌ನಲ್ಲಿ ನೋಂದಣಿಯಾದ ನಂತರ, ನೀವು ಪಾವತಿಸುವ ಬಾಡಿಗೆ ನಿಮ್ಮ ಮಾಲೀಕರ ಪ್ಯಾನ್ (PAN) ಕಾರ್ಡ್‌ಗೆ ನೇರವಾಗಿ ಲಿಂಕ್ ಆಗುತ್ತದೆ. ನೀವು ಪ್ರತಿ ಬಾರಿ ಹಣ ಪಾವತಿಸಿದಾಗ ಡಿಜಿಟಲ್ ರಶೀದಿ ಜನರೇಟ್ ಆಗುತ್ತದೆ, ಇದನ್ನು ಐಟಿಆರ್ (ITR) ಸಲ್ಲಿಸುವಾಗ ಪುರಾವೆಯಾಗಿ ಬಳಸಬಹುದು.

3. ಎಚ್‌ಆರ್‌ಎ (HRA) ಮತ್ತು ಸಂಬಂಧಿಕರ ವಿವರ (Form 124)

• ಹೊಸ ಫಾರ್ಮ್: ಇಂದಿನಿಂದ ನೀವು ಎಚ್‌ಆರ್‌ಎ ಕ್ಲೈಮ್ ಮಾಡಲು ಫಾರ್ಮ್ 124 (Form 124) ಬಳಸಬೇಕು.

• ಸಂಬಂಧದ ಬಹಿರಂಗಪಡಿಸುವಿಕೆ: ನಿಮ್ಮ ಮನೆ ಮಾಲೀಕರು ನಿಮ್ಮ ತಂದೆ, ತಾಯಿ ಅಥವಾ ಪತ್ನಿಯಾಗಿದ್ದರೆ, ಆ ಸಂಬಂಧವನ್ನು ಈ ಫಾರ್ಮ್‌ನಲ್ಲಿ ಕಡ್ಡಾಯವಾಗಿ ನಮೂದಿಸಬೇಕು. ಸುಳ್ಳು ಎಚ್‌ಆರ್‌ಎ ಕ್ಲೈಮ್‌ಗಳನ್ನು ತಡೆಯಲು ಸರ್ಕಾರ ಈ ಕಟ್ಟುನಿಟ್ಟಿನ ಕ್ರಮ ಕೈಗೊಂಡಿದೆ.

4. ಸೆಕ್ಯೂರಿಟಿ ಡೆಪಾಸಿಟ್ ಮಿತಿ

ಇದು ಓದುಗರಿಗೆ ಬಹಳ ಮುಖ್ಯವಾದ ಸುದ್ದಿ:

• ನಿಮಯ: ವಸತಿ ಉದ್ದೇಶದ ಮನೆಗಳಿಗೆ ಮಾಲೀಕರು ಗರಿಷ್ಠ 2 ತಿಂಗಳ ಬಾಡಿಗೆಯನ್ನು ಮಾತ್ರ ಮುಂಗಡವಾಗಿ (Deposit) ಪಡೆಯಲು ಅವಕಾಶವಿದೆ. ವಾಣಿಜ್ಯ ಮಳಿಗೆಗಳಿಗೆ ಇದು 6 ತಿಂಗಳಿಗೆ ಸೀಮಿತವಾಗಿದೆ.

ಪ್ಯಾನ್ ಕಾರ್ಡ್ ನಿಷ್ಕ್ರಿಯತೆ (Inoperative PAN): ಇಂದಿನಿಂದ ಏನು ಸಂಭವಿಸುತ್ತದೆ?

ಒಂದು ವೇಳೆ ನಿಮ್ಮ ಪ್ಯಾನ್ ಕಾರ್ಡ್ ಅನ್ನು ಆಧಾರ್‌ನೊಂದಿಗೆ ಲಿಂಕ್ ಮಾಡದಿದ್ದರೆ, ಅದು ಇಂದಿನಿಂದ “ನಿಷ್ಕ್ರಿಯ” (Inoperative) ಎಂದು ಪರಿಗಣಿಸಲ್ಪಡುತ್ತದೆ. ಇದರಿಂದಾಗುವ ತೊಂದರೆಗಳು

• ಟ್ಯಾಕ್ಸ್ ರಿಫಂಡ್ ಇಲ್ಲ: ನಿಮಗೆ ಬರಬೇಕಾದ ಯಾವುದೇ ಇನ್ಕಮ್ ಟ್ಯಾಕ್ಸ್ ರಿಫಂಡ್ ನಿಲ್ಲುತ್ತದೆ.
• ಹೆಚ್ಚಿನ ಟಿಡಿಎಸ್ (High TDS): ಬ್ಯಾಂಕ್ ಎಫ್‌ಡಿ (FD) ಅಥವಾ ಸಂಬಳದ ಮೇಲೆ ಕಡಿತವಾಗುವ ಟಿಡಿಎಸ್ ಮೊತ್ತವು ದುಪ್ಪಟ್ಟಾಗುತ್ತದೆ (ಸುಮಾರು 20%).

• ಹೊಸ ಖಾತೆ ತೆರೆಯುವಂತಿಲ್ಲ: ಹೊಸ ಬ್ಯಾಂಕ್ ಖಾತೆ, ಡಿಮ್ಯಾಟ್ ಖಾತೆ ಅಥವಾ ರೂ. 50,000 ಕ್ಕಿಂತ ಹೆಚ್ಚಿನ ವಹಿವಾಟು ನಡೆಸಲು ಸಾಧ್ಯವಾಗುವುದಿಲ್ಲ.

ಪರಿಹಾರ: ನೀವು ರೂ. 1,000 ದಂಡ ಪಾವತಿಸಿ ಈಗಲೂ ಲಿಂಕ್ ಮಾಡಬಹುದು. ಆದರೆ ಲಿಂಕ್ ಮಾಡಿದ 30 ದಿನಗಳ ನಂತರವಷ್ಟೇ ನಿಮ್ಮ ಪ್ಯಾನ್ ಕಾರ್ಡ್ ಮತ್ತೆ ಆಕ್ಟಿವ್ ಆಗುತ್ತದೆ.

ಹೊಸ ಪ್ಯಾನ್ ಕಾರ್ಡ್‌ಗೆ ಬೇಕಾಗುವ ದಾಖಲೆಗಳು (Rules from April 1, 2026)

ಇಂದಿನಿಂದ ಹೊಸ ಪ್ಯಾನ್ ಕಾರ್ಡ್ ಅಪ್ಲೈ ಮಾಡುವವರಿಗೆ ನಿಯಮಗಳು ಬದಲಾಗಿವೆ. ಈ ಮೊದಲು ಕೇವಲ ಆಧಾರ್ ಕಾರ್ಡ್ ಇದ್ದರೆ ಸಾಕಿತ್ತು, ಆದರೆ ಈಗ ಅದು ಸಾಧ್ಯವಿಲ್ಲ. ನೀವು ಈ ಕೆಳಗಿನ ದಾಖಲೆಗಳನ್ನು ನೀಡಬೇಕಾಗುತ್ತದೆ

1. ಗುರುತಿನ ಚೀಟಿ (Proof of Identity):

   • ಆಧಾರ್ ಕಾರ್ಡ್ (Aadhaar Card)

   • ವೋಟರ್ ಐಡಿ (Voter ID) ಅಥವಾ ಪಾಸ್‌ಪೋರ್ಟ್.

2. ವಿಳಾಸದ ಪುರಾವೆ (Proof of Address):

   • ವಿದ್ಯುತ್ ಬಿಲ್ ಅಥವಾ ಗ್ಯಾಸ್ ಕನೆಕ್ಷನ್ ಬಿಲ್ (3 ತಿಂಗಳಿಗಿಂತ ಹಳೆಯದಲ್ಲದ).

   • ಬ್ಯಾಂಕ್ ಸ್ಟೇಟ್‌ಮೆಂಟ್.

3. ಜನ್ಮ ದಿನಾಂಕದ ಪುರಾವೆ (Proof of DOB) – ಇದು ಇಂದಿನಿಂದ ಕಡ್ಡಾಯ:

   • ಪ್ರಮುಖ ಬದಲಾವಣೆ: ಕೇವಲ ಆಧಾರ್ ಕಾರ್ಡ್ ಅನ್ನು ಜನ್ಮ ದಿನಾಂಕದ ಪುರಾವೆಯಾಗಿ ಈಗ ಒಪ್ಪಲಾಗುವುದಿಲ್ಲ.

   • ಬದಲಿಗೆ: ಎಸ್‌ಎಸ್‌ಎಲ್‌ಸಿ (10th) ಅಂಕಪಟ್ಟಿ, ಜನನ ಪ್ರಮಾಣ ಪತ್ರ (Birth Certificate), ಅಥವಾ ಡ್ರೈವಿಂಗ್ ಲೈಸೆನ್ಸ್ ನೀಡುವುದು ಕಡ್ಡಾಯವಾಗಿದೆ.

ಮುಖ್ಯ ಮಾಹಿತಿ: ಫಾರ್ಮ್ 93/94 (New Forms)

ಹಳೆಯ 49A ಫಾರ್ಮ್ ಬದಲಿಗೆ ಈಗ ಹೊಸದಾಗಿ ಫಾರ್ಮ್ 93 ಮತ್ತು 94 ಅನ್ನು ಪರಿಚಯಿಸಲಾಗಿದೆ. ಹೊಸ ಪ್ಯಾನ್ ಕಾರ್ಡ್ ಪಡೆಯಲು ಈ ಹೊಸ ಫಾರ್ಮ್‌ಗಳನ್ನೇ ಬಳಸಬೇಕು.

ಹೊಸ ಲೇಬರ್ ಕೋಡ್ ಮತ್ತು ಸ್ಯಾಲರಿ ಬದಲಾವಣೆ

ಏಪ್ರಿಲ್ 1 ರ ಹೊಸ ನಿಯಮಗಳು 2026 ಸರ್ಕಾರವು ಹೊಸ ಕಾರ್ಮಿಕ ಕಾಯ್ದೆಗಳನ್ನು ಪ್ರಾಯೋಗಿಕವಾಗಿ ಜಾರಿಗೆ ತರುತ್ತಿದೆ.

• ಟೇಕ್ ಹೋಮ್ ಸ್ಯಾಲರಿ: ನಿಮ್ಮ ಬೇಸಿಕ್ ಸ್ಯಾಲರಿ ಒಟ್ಟು ಸಂಬಳದ 50% ಇರಲೇಬೇಕು. ಇದರಿಂದ ನಿಮ್ಮ ಪಿಎಫ್ (PF) ಕಡಿತ ಹೆಚ್ಚಾಗುತ್ತದೆ ಮತ್ತು ಕೈಗೆ ಸಿಗುವ ಹಣ ಸ್ವಲ್ಪ ಕಡಿಮೆಯಾಗಲಿದೆ.

ಇನ್ಶುರೆನ್ಸ್ ಪಾಲಿಸಿಗಳ ಡಿಜಿಟಲೀಕರಣ

IRDAI ಆದೇಶದಂತೆ ಇಂದಿನಿಂದ ಎಲ್ಲಾ ಹೊಸ ವಿಮಾ ಪಾಲಿಸಿಗಳು ಕೇವಲ ಡಿಜಿಟಲ್ ರೂಪದಲ್ಲಿ ಮಾತ್ರ ಲಭ್ಯವಿರುತ್ತವೆ.

• ಇ-ಅಕೌಂಟ್: ಪ್ರತಿಯೊಬ್ಬರೂ ಇ-ಇನ್ಶುರೆನ್ಸ್ ಅಕೌಂಟ್ (eIA) ಹೊಂದುವುದು ಕಡ್ಡಾಯವಾಗಿದೆ. ಇದು ಪಾಲಿಸಿ ಕಳೆದುಹೋಗುವ ಭಯವನ್ನು ತಪ್ಪಿಸುತ್ತದೆ.

ಫಾಸ್ಟ್ಯಾಗ್ (FASTag) ಮತ್ತು ಕೆವೈಸಿ

ಫಾಸ್ಟ್ಯಾಗ್ ವಾರ್ಷಿಕ ಪಾಸ್ (FASTag Annual Pass) ಬೆಲೆ ಏರಿಕೆ:

1. ಹೊಸ ದರ ರೂ. 3,075:

   • ಸುದ್ದಿ: ಇದುವರೆಗೆ ರೂ. 3,000 ಇದ್ದ ಫಾಸ್ಟ್ಯಾಗ್ ವಾರ್ಷಿಕ ಪಾಸ್ (Annual Pass) ಬೆಲೆಯನ್ನು ಇಂದಿನಿಂದ (ಏಪ್ರಿಲ್ 1, 2026) ರೂ. 3,075 ಕ್ಕೆ ಏರಿಸಲಾಗಿದೆ.

   • ಯಾರಿಗೆ ಅನ್ವಯ?: ಇದು ಕೇವಲ ಖಾಸಗಿ ವಾಹನಗಳಿಗೆ (ಕಾರ್, ಜೀಪ್, ವ್ಯಾನ್) ಮಾತ್ರ ಅನ್ವಯಿಸುತ್ತದೆ.

2. ಪಾಸ್‌ನ ಸೌಲಭ್ಯಗಳು:

   • ಈ ರೂ. 3,075 ಪಾವತಿಸಿದರೆ ನೀವು ಒಂದು ವರ್ಷದಲ್ಲಿ ಒಟ್ಟು 200 ಬಾರಿ ಟೋಲ್ ಪ್ಲಾಜಾಗಳನ್ನು ಉಚಿತವಾಗಿ (ಹೆಚ್ಚುವರಿ ಹಣವಿಲ್ಲದೆ) ದಾಟಬಹುದು.

   • ಒಂದು ವರ್ಷ ಮುಗಿಯುವ ಮೊದಲೇ ನೀವು 200 ಬಾರಿ ಟೋಲ್ ದಾಟಿದರೆ, ಈ ಪಾಸ್ ಅವಧಿ ಮುಗಿಯುತ್ತದೆ. ನಂತರ ನೀವು ಮತ್ತೆ ಮಾಮೂಲಿ ರೀಚಾರ್ಜ್ ಮಾಡಿಕೊಳ್ಳಬೇಕಾಗುತ್ತದೆ.

3. ಹೇಗೆ ಪಡೆಯುವುದು?:

   • ಇದನ್ನು ಪಡೆಯಲು ಹೊಸ ಫಾಸ್ಟ್ಯಾಗ್ ಅಗತ್ಯವಿಲ್ಲ. ನಿಮ್ಮ ಹಳೆಯ ಫಾಸ್ಟ್ಯಾಗ್ ಐಡಿಯನ್ನು ಬಳಸಿ ‘Rajmarg Yatra’ ಆಪ್ ಅಥವಾ NHAI ವೆಬ್‌ಸೈಟ್ ಮೂಲಕ ರೂ. 3,075 ಪಾವತಿಸಿ ಈ ವಾರ್ಷಿಕ ಪಾಸ್ ಆಕ್ಟಿವೇಟ್ ಮಾಡಿಕೊಳ್ಳಬಹುದು.

ಔಷಧಗಳ ಬೆಲೆ ಏರಿಕೆ

ಸಾಮಾನ್ಯವಾಗಿ ಬಳಸುವ ಪ್ಯಾರಸಿಟಮಾಲ್, ಬಿಪಿ ಮತ್ತು ಶುಗರ್ ಮಾತ್ರೆಗಳು ಸೇರಿದಂತೆ ಒಟ್ಟು 800ಕ್ಕೂ ಹೆಚ್ಚು ಅಗತ್ಯ ಔಷಧಿಗಳ ಬೆಲೆಯಲ್ಲಿ ಈ ಬಾರಿ ಕೇವಲ 0.65% ರಷ್ಟು ಅತ್ಯಲ್ಪ ಏರಿಕೆಯಾಗಲಿದೆ. ಸಗಟು ಬೆಲೆ ಸೂಚ್ಯಂಕದ (WPI) ಆಧಾರದ ಮೇಲೆ ಕೇಂದ್ರ ಸರ್ಕಾರವು ಈ ನಿರ್ಧಾರ ಕೈಗೊಂಡಿದೆ.

ಶೇರು ಮಾರುಕಟ್ಟೆ ಮತ್ತು ಎಸ್‌ಟಿಟಿ (STT) ಏರಿಕೆ

ಷೇರು ಮಾರುಕಟ್ಟೆಯಲ್ಲಿ ವಹಿವಾಟು ನಡೆಸುವವರಿಗೆ ಏಪ್ರಿಲ್ 1 ಹೊಸ ನಿಯಮಗಳು 2026 ತುಸು ದುಬಾರಿಯಾಗಲಿವೆ. ಫ್ಯೂಚರ್ಸ್ ಅಂಡ್ ಆಪ್ಷನ್ಸ್ (F&O) ಮೇಲಿನ ಸೆಕ್ಯೂರಿಟಿಸ್ ಟ್ರಾನ್ಸಾಕ್ಷನ್ ಟ್ಯಾಕ್ಸ್ (STT) ಅನ್ನು 0.02% ರಿಂದ 0.05% ಕ್ಕೆ ಏರಿಸಲಾಗಿದೆ.

ಶೇರು ಬೈಬ್ಯಾಕ್ ಮೇಲೆ ತೆರಿಗೆ 

ಏಪ್ರಿಲ್ 1 ರ ಹೊಸ ನಿಯಮಗಳು 2026 : ಇಂದಿನಿಂದ ಕಂಪನಿಗಳು ಶೇರುಗಳನ್ನು ಬೈಬ್ಯಾಕ್ ಮಾಡಿದರೆ, ಅದನ್ನು ‘ಕ್ಯಾಪಿಟಲ್ ಗೇನ್ಸ್’ ಎಂದು ಪರಿಗಣಿಸಿ ತೆರಿಗೆ ವಿಧಿಸಲಾಗುತ್ತದೆ. ಇದು ಹೂಡಿಕೆದಾರರ ಲಾಭದ ಮೇಲೆ ಪರಿಣಾಮ ಬೀರಲಿದೆ.

ಮೀಲ್ ಕಾರ್ಡ್ (Meal Cards) ವಿನಾಯಿತಿ ಹೆಚ್ಚಳ

ಕಾರ್ಪೊರೇಟ್ ನೌಕರರಿಗೆ ಸಿಹಿ ಸುದ್ದಿ! ಪ್ರತಿ ಊಟದ ಕೂಪನ್ ಮೇಲಿನ ತೆರಿಗೆ ವಿನಾಯಿತಿ ಮಿತಿಯನ್ನು ರೂ.50 ರಿಂದ ರೂ.200 ಕ್ಕೆ ಏರಿಸಲಾಗಿದೆ. ಇದು ಅಡ್ರೆಸ್ ಮೆಟ್ರೋ ಸಿಟಿಗಳಲ್ಲಿ ಕೆಲಸ ಮಾಡುವವರಿಗೆ ಅನುಕೂಲಕರ.

ಗಿಫ್ಟ್ ವೋಚರ್‌ಗಳ ಮಿತಿ ಹೆಚ್ಚಳ

ಉದ್ಯೋಗಿಗಳಿಗೆ ಗುಡ್ ನ್ಯೂಸ್: ಕಂಪನಿಗಳು ನೀಡುವ ಗಿಫ್ಟ್ ವೋಚರ್‌ಗಳ ಮೇಲಿನ ತೆರಿಗೆ ರಹಿತ ಮಿತಿಯನ್ನು ವರ್ಷಕ್ಕೆ ರೂ. 5,000 ರಿಂದ ರೂ. 15,000 ಕ್ಕೆ ಏರಿಸಲಾಗಿದೆ. ಹಬ್ಬದ ಬೋನಸ್ ಅಥವಾ ಗಿಫ್ಟ್ ಕಾರ್ಡ್‌ಗಳ ರೂಪದಲ್ಲಿ ಈ ಲಾಭ ಪಡೆಯಬಹುದು. ಆದರೆ ನೆನಪಿಡಿ, ಇದು ತಿಂಗಳಿಗಲ್ಲ, ವರ್ಷಕ್ಕೆ ಅನ್ವಯವಾಗುವ ಒಟ್ಟು ಮಿತಿಯಾಗಿದೆ.

ಮಕ್ಕಳ ಶಿಕ್ಷಣ ಭತ್ಯೆ

ಏಪ್ರಿಲ್ 1 ರ ಹೊಸ ನಿಯಮಗಳು 2026 : ಹಳೆಯ ತೆರಿಗೆ ಪದ್ಧತಿಯಲ್ಲಿ ಮಕ್ಕಳ ಶಿಕ್ಷಣ ಭತ್ಯೆಯನ್ನು ಪ್ರತಿ ಮಗುವಿಗೆ ತಿಂಗಳಿಗೆ ರೂ.100 ರಿಂದ ರೂ.3,000 ಕ್ಕೆ ಮತ್ತು ಹಾಸ್ಟೆಲ್ ಭತ್ಯೆಯನ್ನು ರೂ.300 ರಿಂದ ರೂ.9,000 ಕ್ಕೆ ಭಾರಿ ಪ್ರಮಾಣದಲ್ಲಿ ಏರಿಸಲಾಗಿದೆ.

ಕಂಪನಿ ವಾಹನಗಳ ಪರ್ಕ್ವಿಸಿಟ್ಸ್ 

ಕಂಪನಿಯಿಂದ ನೀಡಲಾದ ಕಾರುಗಳ ಮೇಲೆ ವಿಧಿಸುವ ತೆರಿಗೆಯ ಮೌಲ್ಯವನ್ನು ಹೆಚ್ಚಿಸಲಾಗಿದೆ. 1.6 ಲೀಟರ್ ಇಂಜಿನ್‌ಗಿಂತ ಹೆಚ್ಚಿನ ಸಾಮರ್ಥ್ಯದ ಕಾರುಗಳಿಗೆ ತಿಂಗಳಿಗೆ ರೂ.10,000 ತೆರಿಗೆ ಮೌಲ್ಯ ನಿಗದಿಪಡಿಸಲಾಗಿದೆ.

ಹೈ-ವ್ಯಾಲ್ಯೂ ಟ್ರಾನ್ಸಾಕ್ಷನ್ ಮೇಲೆ ಕಣ್ಣು

ರೂ.10 ಲಕ್ಷ ಕ್ಕಿಂತ ಹೆಚ್ಚಿನ ನಗದು ಜಮೆ ಅಥವಾ ರೂ.20 ಲಕ್ಷ ಕ್ಕಿಂತ ಹೆಚ್ಚಿನ ಸ್ಥಿರ ಆಸ್ತಿ ಖರೀದಿ ಮಾಡುವಾಗ ಪ್ಯಾನ್ (PAN) ಕಾರ್ಡ್ ನೀಡುವುದು ಇಂದಿನಿಂದ ಕಡ್ಡಾಯ ಮತ್ತು ಈ ಮಾಹಿತಿಯು ನೇರವಾಗಿ ಆದಾಯ ತೆರಿಗೆ ಇಲಾಖೆಗೆ ರವಾನೆಯಾಗಲಿದೆ.

ಆನ್‌ಲೈನ್ ಗೇಮಿಂಗ್ ಮೇಲೆ 30% ಟಿಡಿಎಸ್ (TDS)

ಯಾವುದೇ ಆನ್‌ಲೈನ್ ಗೇಮ್‌ಗಳಲ್ಲಿ ನೀವು ಗೆಲ್ಲುವ ಪ್ರತಿಯೊಂದು ರೂಪಾಯಿಗೂ 30% ಟಿಡಿಎಸ್ ಕಡಿತವಾಗುವುದು ಇಂದಿನಿಂದ ಕಡ್ಡಾಯವಾಗಿದೆ.

ಬ್ಯಾಂಕ್ ಲಾಕರ್ ಹೊಸ ಅಗ್ರಿಮೆಂಟ್

ಏಪ್ರಿಲ್ 1 ರ ಹೊಸ ನಿಯಮಗಳು 2026 : ಹೊಸ ಆರ್‌ಬಿಐ ನಿಯಮದಂತೆ, ನೀವು ಸತತ 7 ವರ್ಷಗಳ ಕಾಲ ಲಾಕರ್ ಬಳಸದಿದ್ದರೆ ಬ್ಯಾಂಕ್ ಅದನ್ನು ಕಾನೂನುಬದ್ಧವಾಗಿ ತೆರೆಯುವ ಅಧಿಕಾರ ಹೊಂದಿದೆ. ಆದರೆ, ನೀವು 1 ವರ್ಷಕ್ಕಿಂತ ಹೆಚ್ಚು ಕಾಲ ಲಾಕರ್ ಬಳಸದಿದ್ದರೆ ಬ್ಯಾಂಕ್‌ಗಳು ನಿಮಗೆ ಮುನ್ನೆಚ್ಚರಿಕೆ ನೋಟಿಸ್ ಕಳುಹಿಸಬಹುದು. ಆದ್ದರಿಂದ, ಸುರಕ್ಷತೆಯ ದೃಷ್ಟಿಯಿಂದ ವರ್ಷಕ್ಕೊಮ್ಮೆಯಾದರೂ ನಿಮ್ಮ ಲಾಕರ್ ಅನ್ನು ಆಪರೇಟ್ ಮಾಡುವುದು ಒಳ್ಳೆಯದು

ಸಣ್ಣ ಉಳಿತಾಯ ಯೋಜನೆಗಳ ಬಡ್ಡಿ ದರ ಪರಿಷ್ಕರಣೆ

ಏಪ್ರಿಲ್ 1 ರ ಹೊಸ ನಿಯಮಗಳು 2026 : ಕೇಂದ್ರ ಹಣಕಾಸು ಸಚಿವಾಲಯವು ಪ್ರತಿ ತ್ರೈಮಾಸಿಕದಂತೆ ಏಪ್ರಿಲ್ 1 ರಿಂದ ಜಾರಿಗೆ ಬರುವಂತೆ ಸಣ್ಣ ಉಳಿತಾಯ ಯೋಜನೆಗಳ ಬಡ್ಡಿ ದರಗಳನ್ನು ಸ್ಥಿರಗೊಳಿಸಿದೆ.

• ಸುಕನ್ಯಾ ಸಮೃದ್ಧಿ ಯೋಜನೆ (SSY): ಹೆಣ್ಣು ಮಕ್ಕಳ ಭವಿಷ್ಯಕ್ಕಾಗಿ ಇರುವ ಈ ಯೋಜನೆಯಲ್ಲಿ ಈಗ 8.2% ಬಡ್ಡಿ ಮುಂದುವರಿಯಲಿದೆ.
• ಪಿಪಿಎಫ್ (PPF): ಸಾರ್ವಜನಿಕ ಭವಿಷ್ಯ ನಿಧಿಯ ಬಡ್ಡಿ ದರವು 7.1% ರಷ್ಟೇ ಇರಲಿದ್ದು, ಹೂಡಿಕೆದಾರರಿಗೆ ಇದು ತೆರಿಗೆ ರಹಿತ ಲಾಭ ನೀಡಲಿದೆ.

• ಹಿರಿಯ ನಾಗರಿಕರ ಉಳಿತಾಯ ಯೋಜನೆ (SCSS): ಹಿರಿಯ ನಾಗರಿಕರಿಗೆ ಅತಿ ಹೆಚ್ಚು ಅಂದರೆ 8.2% ಬಡ್ಡಿಯನ್ನು ನಾಳೆಯಿಂದಲೂ ಪಡೆಯಬಹುದಾಗಿದೆ.

ಮ್ಯೂಚುಯಲ್ ಫಂಡ್ ಕೆವೈಸಿ (Mutual Fund KYC) ಕಡ್ಡಾಯ

ಏಪ್ರಿಲ್ 1 ರ ಹೊಸ ನಿಯಮಗಳು 2026 : ಹೂಡಿಕೆದಾರರಿಗೆ ಸೆಬಿ (SEBI) ಹೊಸ ಎಚ್ಚರಿಕೆ ನೀಡಿದೆ. ಏಪ್ರಿಲ್ 1 ರಿಂದ ಮ್ಯೂಚುಯಲ್ ಫಂಡ್ ಹೂಡಿಕೆದಾರರು ತಮ್ಮ ಅಧಿಕೃತ ದಾಖಲೆಗಳ ಮೂಲಕ (Official Valid Documents) ಕೆವೈಸಿ ಪೂರ್ಣಗೊಳಿಸದಿದ್ದರೆ ಅವರ ಫೋಲಿಯೋಗಳನ್ನು ‘ಹೋಲ್ಡ್’ ಮಾಡಲಾಗುತ್ತದೆ.

• ಪರಿಣಾಮ: ನೀವು ಹೊಸದಾಗಿ ಎಸ್‌ಐಪಿ (SIP) ಆರಂಭಿಸಲು ಅಥವಾ ಇರುವ ಹಣವನ್ನು ಹಿಂಪಡೆಯಲು ಸಾಧ್ಯವಾಗುವುದಿಲ್ಲ. ಆಧಾರ್ ಆಧಾರಿತ ಇ-ಕೆವೈಸಿ ಮಾಡಿಸುವುದು ಈಗ ಅತ್ಯಂತ ಸುಲಭ ಮತ್ತು ಸುರಕ್ಷಿತ ಮಾರ್ಗವಾಗಿದೆ.

ಎಲೆಕ್ಟ್ರಿಕ್ ವಾಹನಗಳ (EV) ಸಬ್ಸಿಡಿ ಬದಲಾವಣೆ

ಏಪ್ರಿಲ್ 1 ರ ಹೊಸ ನಿಯಮಗಳು 2026 : ಭಾರತದಲ್ಲಿ ಎಲೆಕ್ಟ್ರಿಕ್ ವಾಹನಗಳ ಬಳಕೆಯನ್ನು ಉತ್ತೇಜಿಸಲು ಜಾರಿಯಲ್ಲಿದ್ದ ಫೇಮ್ (FAME-II) ಸಬ್ಸಿಡಿ ಯೋಜನೆ ಮುಕ್ತಾಯಗೊಂಡು, ಏಪ್ರಿಲ್ 1 ರಿಂದ ಹೊಸ ‘ಎಲೆಕ್ಟ್ರಿಕ್ ಮೊಬಿಲಿಟಿ ಪ್ರಮೋಷನ್ ಸ್ಕೀಮ್’ (EMPS 2026) ಜಾರಿಗೆ ಬರಲಿದೆ.

• ಇಂದಿನಿಂದ (ಏಪ್ರಿಲ್ 1) ಎಲೆಕ್ಟ್ರಿಕ್ ದ್ವಿಚಕ್ರ ವಾಹನಗಳ ಸಬ್ಸಿಡಿ ಮೊತ್ತ ಗಣನೀಯವಾಗಿ ಇಳಿಕೆಯಾಗಿದೆ. ಇದರಿಂದಾಗಿ ಪ್ರಮುಖ ಕಂಪನಿಗಳ ಸ್ಕೂಟರ್‌ಗಳ ಬೆಲೆ ರೂ. 10,000 ದಿಂದ ರೂ. 15,000 ರಷ್ಟು ಏರಿಕೆಯಾಗಲಿದೆ. ಆದರೆ ಸಬ್ಸಿಡಿ ಪಡೆಯುವ ಕಾಲಾವಕಾಶವನ್ನು ಜುಲೈ 31, 2026 ರವರೆಗೆ ವಿಸ್ತರಿಸಿರುವುದು ಸಣ್ಣ ಸಮಾಧಾನದ ಸಂಗತಿ.

ವಾಣಿಜ್ಯ ಬಳಕೆಯ ಗ್ಯಾಸ್ ಸಿಲಿಂಡರ್ ಬೆಲೆಯಲ್ಲಿ ಇಳಿಕೆ ನಿರೀಕ್ಷೆ

ಅಂತಾರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಕಚ್ಚಾ ತೈಲ ಬೆಲೆ ಏರಿಕೆಯಾದ ಹಿನ್ನೆಲೆಯಲ್ಲಿ, ಇಂದು (ಏಪ್ರಿಲ್ 1) ವಾಣಿಜ್ಯ ಬಳಕೆಯ 19 ಕೆಜಿ ಸಿಲಿಂಡರ್ ಬೆಲೆಯಲ್ಲಿ ಬೆಂಗಳೂರಿನಲ್ಲಿ ರೂ. 203 ರಷ್ಟು ಏರಿಕೆ ಮಾಡಲಾಗಿದೆ. ಬೆಂಗಳೂರಿನಲ್ಲಿ ಇಂದಿನ ಹೊಸ ದರ ರೂ. 2,161.00 ಆಗಿದೆ. ಆದರೆ ಮನೆಬಳಕೆಯ (14.2 ಕೆಜಿ) ಸಿಲಿಂಡರ್ ಬೆಲೆ ರೂ. 915.50 ರಲ್ಲೇ ಸ್ಥಿರವಾಗಿದೆ.

ಪದೇ ಪದೇ ಕೇಳಲಾಗುವ ಪ್ರಶ್ನೆಗಳು

• ಇನ್ಕಮ್ ಟ್ಯಾಕ್ಸ್ ಆಕ್ಟ್ 2025 ಕರ್ನಾಟಕದಲ್ಲಿ ಅನ್ವಯವಾಗುತ್ತದೆಯೇ?
  • ಹೌದು, ಇದು ಇಡೀ ಭಾರತಕ್ಕೆ ಅನ್ವಯವಾಗುವ ಕೇಂದ್ರ ಸರ್ಕಾರದ ಕಾಯ್ದೆಯಾಗಿದೆ.
• ಎಟಿಎಂನಲ್ಲಿ ದಿನಕ್ಕೆ ಎಷ್ಟು ಬಾರಿ ಉಚಿತವಾಗಿ ಹಣ ತೆಗೆಯಬಹುದು?
  • ನಿಮ್ಮ ಬ್ಯಾಂಕ್‌ನ ಎಟಿಎಂನಲ್ಲಿ 5 ಬಾರಿ ಮತ್ತು ಇತರ ಬ್ಯಾಂಕ್‌ಗಳಲ್ಲಿ 3 ಬಾರಿ ಉಚಿತ ಮಿತಿ ಇದೆ.
• ರೈಲ್ವೆ ಟಿಕೆಟ್ 10 ಗಂಟೆ ಮೊದಲು ರದ್ದು ಮಾಡಿದರೆ ಹಣ ಸಿಗುತ್ತದೆಯೇ?
  • ಹೌದು, ಆದರೆ 50% ರಷ್ಟು ಹಣ ಕಡಿತವಾಗುತ್ತದೆ.

ಏಪ್ರಿಲ್ 1 ರ ಹೊಸ ನಿಯಮಗಳು 2026 ಕೇವಲ ಹಣಕಾಸಿನ ಬದಲಾವಣೆಗಳಲ್ಲ, ಇವು ನಮ್ಮ ದೈನಂದಿನ ಜೀವನದ ಶಿಸ್ತನ್ನು ರೂಪಿಸುವ ಕಾನೂನುಗಳು. ಹೊಸ ಆದಾಯ ತೆರಿಗೆ  ಕಾಯ್ದೆ 2025 ರ ಅಡಿಯಲ್ಲಿ ತೆರಿಗೆ ಪಾವತಿಸುವುದು ಈಗ ಮೊದಲಿಗಿಂತ ಸುಲಭವಾಗಿದೆ. ಆದರೆ, ಎಟಿಎಂ ಶುಲ್ಕ ಮತ್ತು ರೈಲ್ವೆ ಟಿಕೆಟ್ ರದ್ದತಿಯಂತಹ ವಿಷಯಗಳಲ್ಲಿ ನಾವು ಎಚ್ಚರ ತಪ್ಪಿದರೆ ನಮ್ಮ ಕಿಸೆಯಿಂದ ಅನಗತ್ಯ ಹಣ ಖರ್ಚಾಗುವುದು ಗ್ಯಾರಂಟಿ.

ವಾಂಟೆಡ್ ನ್ಯೂಸ್ ಗಮನ ಸೆಳೆಯುವ ಅಂಶ: ಈ ಮಾಹಿತಿಯು (ಏಪ್ರಿಲ್ 1 ರ ಹೊಸ ನಿಯಮಗಳು 2026 ) ನಿಮಗೆ ಉಪಯುಕ್ತವಾಗಿದ್ದರೆ ನಿಮ್ಮ ಸ್ನೇಹಿತರೊಂದಿಗೆ ಹಂಚಿಕೊಳ್ಳಿ. ಇಂತಹ ಮತ್ತಷ್ಟು ಲೇಖನಗಳಿಗಾಗಿ ನಮ್ಮ ವೆಬ್‌ಸೈಟ್ ಅನ್ನು ಸಬ್‌ಸ್ಕ್ರೈಬ್ ಮಾಡಿಕೊಳ್ಳಿ. ಲೇಖನ ಪ್ರಕಟವಾದ ತಕ್ಷಣ ನೋಟಿಫಿಕೇಶನ್ ಪಡೆಯಲು ನಿಮ್ಮ ಮೊಬೈಲ್‌ನಲ್ಲಿ Allow Notifications ಆಯ್ಕೆಯನ್ನು ಸಕ್ರಿಯಗೊಳಿಸಿ.

ಇದು ನಿಮಗೆ ತಿಳಿದಿದೆಯೇ?

ಇಪಿಎಫ್ ಸದಸ್ಯರ ಕುಟುಂಬಕ್ಕೆ ರೂ. 7 ಲಕ್ಷ ವಿಮಾ ಸೌಲಭ್ಯ 60 ವರ್ಷ ಆದವರಿಗೆ ಸಿಹಿ ಸುದ್ದಿ! ಪೋಷಕರಿಗೆ ಸಿಹಿ ಸುದ್ದಿ  ಶ್ರೀ ರಾಮ ನವಮಿ 2026 IPL 2026 Time Table SSB ನೇಮಕಾತಿ 2026 ಗ್ಯಾಸ್ ಸಿಲಿಂಡರ್ ಬುಕ್ ಮಾಡಿದ್ರೂ ಬುಕ್ ಆಗ್ತಿಲ್ವೇ?  ಮಿಸ್ ಮಾಡದೆ ಓದಿ : 2026ರ ಹೊಸ ರೂಲ್ಸ್ ಕೇಂದ್ರ ಮತ್ತು ರಾಜ್ಯ ಬಜೆಟ್‌ನ ಸಮಗ್ರ ವಿಶ್ಲೇಷಣೆ –  ಬಜೆಟ್ 2026 ಹೈಲೈಟ್ಸ್  ಸ್ನೇಹಿತರೇ, ನಮ್ಮ https://wantednews.in ವೆಬ್‌ಸೈಟ್ ಮೂಲಕ ನಾವು ನಿಮಗೆ ಯಾವಾಗಲೂ ನಿಖರವಾದ ಮಾಹಿತಿಯನ್ನು ನೀಡಲು ಶ್ರಮಿಸುತ್ತಿದ್ದೇವೆ. ಈ ಮಾಹಿತಿಯು ನಿಮಗೆ ಇಷ್ಟವಾದಲ್ಲಿ ನಿಮ್ಮ ಸ್ನೇಹಿತರೊಂದಿಗೆ ಹಂಚಿಕೊಳ್ಳಿ.

ಇಂತಹ ಉಪಯುಕ್ತ ಮಾಹಿತಿಗಾಗಿ ಮತ್ತು ಕರ್ನಾಟಕದ ತಾಜಾ ಸುದ್ದಿಗಳಿಗಾಗಿ ನಮ್ಮ WhatsApp ಮತ್ತು Telegram ಗ್ರೂಪ್‌ಗಳಿಗೆ ಇಂದೇ ಜಾಯಿನ್ ಆಗಿ. ಯಾವುದೇ ಅಪ್ಡೇಟ್ ಮಿಸ್ ಮಾಡಬೇಡಿ! (Don’t miss the updates!)

ನಮ್ಮೊಂದಿಗೆ ಸಂಪರ್ಕದಲ್ಲಿರಿ

• WhatsApp ಮೂಲಕ ಸುದ್ದಿ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ:  Join WhatsApp Group
• Telegram ಮೂಲಕ ತಾಜಾ ಸುದ್ದಿಗಾಗಿ ಇಲ್ಲಿ ಕ್ಲಿಕ್ ಮಾಡಿ: Join Telegram Channel